آمار مطالب
آمار کاربران
کاربران آنلاین
آمار بازدید
نه بورجوم؟
جان نقديني وئرديم داها جانانه نه بورجوم؟!
هر عشوه ساتان سرو خرامانه نه بورجوم؟!
مهمان ائله ديم حسرتيني خانه ي ديلده
قان اولدو كونول بير بئله مهمانه نه بورجوم؟!
پروانه صفت هر گئجه نار غمه يانديم
بوندان سورا اول شمع شبستانه نه بورجوم؟!
گزديم چمن عشق ده خار اولدو نصيبيم
گول درمه ديم عالم ده گولستانه نه بورجوم؟!
بير بلبل شوريده سرم درد فراقه
صبر ائتميشم اول غنچه ي خندانه نه بورجوم؟!
بير عومرودو كي حلقه ي زولفونده اسيرم
زنداني عشقم داها زندانه نه بورجوم؟!
بير درده دچار ائتدي مني چاره بولونماز
حامد بو يامان درد ايله درمانه نه بورجوم؟!
عضویت سریع
